Scelte rapide:


Le Poesie

Immagine rappresentativa per: Le Poesie

Alcune poesie dedicate a San Costantino.

S'Ardia

Curren s'Ardia! Caddos galiardos
e cavalleris lean sa falada
a tottu cursa, a briglia abbandonada
pesende gloriosos istendardos.

Faghen proas terribiles d'azzardos
pro cudda antiga fide ereditada
dae Santu Antine e cunsagrada
dae sos generosos coros sardos.

E benin da ogni idda 'e Sardigna
a bider s'Ardia, a bider s'ispettaculu
de custa antiga moda sedilesa.

Ei sa idda 'e Sedilo benigna
e fiera rinnoat su meraculu
in custa festa 'e forza e de bellesa.

Montanaru

Ardia

Ispuntat sa Prima Bandela
Suore et piuer a nues:
cun s’ebba isteddada non rues
ca pregat Comare Manzela.

Sa Prima Bandela hat poderes:
non balet peruna pariglia,
isorta est de s’ebba sa briglia
pro su chi disizas et cheres.

Santu Antine Mannu
Ampŕra sos pitzinnos
Chi non connoscan' sinnos
De amargura e dannu.

Sun bramas de unu mamentu
Su caddu ti jughet a bolu
E subra sa sedda ses solu
Parende sa cara a su’entu.

Colores de rosa in s’ačra
In chelu una nue minninna
S’interghinada ‘e ispera
Ti tinghet, o bella pitzinna.

Santu Antine Mannu
Ampŕra sos pitzinnos
Chi no connoscan sinnos
De amargura et dannu

Paolo Pillonca - Piero Marras

Santu Antinu

Santu Antinu Mannu Augustu
chi regna de sa corte de Nordai,
annu chena festa no hat colau mai
de triulas a sas noinas de austu.

Dae su Frontigheddu cun bravura,
sa Pandela isfidada su entu
in sa calada chi faghede ispaventu,
che pigat de su Tremene a s'artura.

Sa Cresia d'inghiriada sette ortas
e battordighi si frimada a pregare,
pedinde grazias prima 'e calare,
cuerrada de sas armas 'e sas Iscortas.

A sa Muredda est partia a sa fidada
e sos tres ziros faghede cun presse,
unu nde faghede finas a s'imbesse
innantis de apprettare in sa pigada.

Como s'Ardia ja ch'est agabbada
e s'ispettaculu de ispantare c'hat finiu,
sos augurios de sa zente hat retziu
e cuntenta a sa regia faghet s'intrada.

Giuseppe Putzolu

Pandeledda Veneitta

Pandeledda veneitta
currende lestra che bentu
no l' intendes su lamentu
de s' emina poveritta.

Cussa giovanedda bella
ch' es pranghed' a pil' isortu,
peus de ti vier mortu
a ti vier in carrella.

Es bennid' a t' ammirare
ca est isposa sincera,
de su sole pagh' ispera
chi non podet cunfortare.

Non bastat cussu calore,
no lenit su pensamentu,
es troppu cuss' ispaventu
e pius mannu su dolore.

Dolore de un' amante
chi de tene est' orgogliosa,
sa vriscura de una rosa
podet perder' a s' istante.

Perdes podet su vigore
si t' idet dae caddu ruttu,
non podet bogare muttu
cussu giovane fiore.

Fiore chi est orgogliosu
ca ses cavalieri orte,
ca t'accumpagnat sa sorte
e unu Santu valorosu.

Santu Mannu est Antine
chi tentat cussa promissa,
no est balent' iscummissa
ma fide chi no hat ine.

Mai fine li ponzedas
a sa festa 'e S' Ardia bella
e tue, giovan' istella,
nde vias de custas medas.

Mantenidel' in su coro
ca es tradizione vostra,
non nd'attedas una mostra,
ma de Sedilo decoro.

Orgogliu siat de sa vidda,
de sa gente e de su Santu,
occasione de vantu
in su pettus che istinchidda.

(14/07/08 - A Francesca)

Mariella Mele